غرد المطرب حمزة نمرة عبر حسابه الرسمي علي موقع التواصل الاجتماعي “تويتر”، لينهي الجدل المثار حول إيقافه من قبل نقابة الموسيقيين، قائلا “أنا بأشكر كل حد وقف جنبي في اللي حصل ده، مافيش حاجة هتقدر تعبر عن حبي ليكم يا جدعان، أنا ربنا كرمني بيكم ويارب دايماً أفضل عند حسن ظنكم”.
وأضاف “نمرة”: “كل واحد رغم اختلافه معايا ما منعوش الاختلاف إنه ينصفني، أنتم على راسي من فوق والله”.
وتقدم “حمزة” بالشكر للنقيب مصطفي كامل قائلا “أشكر أ. مصطفى كامل لتوضيحه موقف النقابة، وده أفضل رد ع الكلام العجيب اللي اتقال عني الأيام اللي فاتت اللي مالوش أي أساس من الصحة”.
وتابع نمرة “ربنا يعلم أنا عمري ما غلطت في حق حد ولا أسأت لحد، حتى لو حد ظلمني، بأسكت وما بأدخلش في أي سجالات أو معارك لأن دي طبيعتي، اللي هيبقى للإنسان هو السمعة الحسنة، ربنا يكتبها لنا جميعا”.
واختتم تغريداته قائلا “وأخيرا.. أنا مستمر في تقديم الفن اللي أنا بحبه.. ومستمر في تقديم الحفلات.. وأشوفكم الحفلة الجاية والله أعلم”.
وكان نقيب الموسيقيين مصطفي كامل قد كتب عبر حسابه علي “تويتر” منذ أيام: “عشان أنهي موضوع حمزة نمرة اللى متداول حاليا على المواقع الفنية: أولا الفترة الأخيرة أنا مش بروح النقابة، ثانيا أنا ضد ايقاف حمزة نمرة.. ثالثا مينفعش يتم إيقاف مطرب إلا بعد التحقيق معه.. رابعا الإمضاء اللي في صورة الكمبيوتر “وهي توقيعي فعلا” تم استخدمها دون علمي أو إذن مني، وسكرتير النقابة طلع تصريحات للصحفيين على لساني وأنا أساسا لم أصرح، وأخيرا أنا عامل عملية في عيني ولما ربنا يشفيني هيتم حل هذا الموضوع”.
حمزة نمرة يشكر مصطفى كامل المصدر موقع نغم العرب اخبار الفنانين
from اخبار الفن و الفنانين http://ift.tt/18kTQn4